Joey Galvan describes in an email to ireport@abs-cbn.com what communities in Bauang, La Union are dealing with, and how people are struggling to get back on their feet.
Email sent 10/13/2009 09:30 PM.

"Ito po ay ilan lamang sa mga litrato sa sinapit ng mga taga Bauang, La Union. Malaki po ang pinsala sa aming lugar . Binaha ang ilang bahagi ng Bauang at umabot hanggang sa bubong ang baha sa kasagsagan ng bagyo. May mga namatay din dito at ngayon lamang sila natagpuan dahil sila ay naanod at nadaganan ng gabundok na mga naanod na kahoy. Maraming napinsalang mga bahay gawa ng baha at ang mga ilan ay hindi na pwedeng pamahayan. Sinisikap ng mga taga rito na bumangon at magsimula muli pero medyo matatagalan sa laki ng pinsala lalo sa kanilang mga ari-arian. Wala na rin yung mga inaasahang pagkukunan ng kanilang ikabubuhay dahil natabunan na ng mga putik ang kanilang mga sakahan. Kulang din ang mga tao sa makakain sa ngayon. Kung maaari lang po sana ay mabisita ang mga lugar na napinsala gaya ng Parian, Pugo at Pudok sa Bauang dahil sadyang kalunos - lunos ang kailang sinapit.

"Sana sa mga larawang ito ay matugunan ang aming mga hinaing na kami'y mapagtuunan din ng pansin dahil kami rin ay biktima ng kalamidad."